زينة شمع الشعانين لدى التجار 2019
إنو خَلَصْ فِلْتِت القِصة؟ ما بقى نِستحي؟ هلْ قد الجِين الفِينيقي طاغي عِنا؟ انو يا ولاد الله كان بعِد في شَمعِة الشَعنينة ما قعدتو عملتولها "براين سْتُورْمينغ" و "فِيزيبليتي سْتَادي" وماركِتينغ بْلان" انو بحياتكن معْقول شَمعة شَعنينة عليها "سْبَايدِر مَان" او "كابتن اماريكا" وكل زملائهن من" مَارڤلز" و "أفَجنرز" يا خيّي مْنِتفَهَم هل الاستِراتيجِيات الدِعَائية تِنعَمَل عَ شِنَط مدارس الاولاد على" المألمة" وال"غورد" بس إنو عَ شَمعة الشَعنينة ليه؟! إنو هل "السُوبر هيرُوز" كانو مّشَكلين وفد ل يسّتقبلوا المسيح هوي وفَايت عَ أورشاليم على جَحشِ إبْنِ أتَانِ؟ او مأمنيله حِماية من يلي كانوا مُتربِصِين به شَراً؟ بالله عليكُم... يعني ارجوكم ما هو المسيح ما 
كان بحاجة لكل هل "الهيروز" كان منقى تلاميذ من عامة الشَعب صِيادي اسماك وفلاحِين وكان مًبَعَد عَنهُ التِّجَار قد ما فِيّهُ... لأنه عَارِف انو التَّاجِر فاجِر ومِسّتعِد يِسّتَعمِل حَيلا اُسلوب او طريقة ليعلي المَبيع... ولَكّ وصلت كمان معن لدرجة انو يستعملوا مار شربل ويحِطُولُه صورتَهُ عا شمعة الشعنينة ع أساس مار شربل ببيع أكتر من غيرو و"ترندينغ" أكتر و"كْلاسْ"... خاصة انو عِنا يا إخواتي في ناسْ عندا مار شربل قبل الله... نظرا لهيدا الواقع قام صاحِبنا التّاجر قَلَك كيف بدنا نعمِل شَمِع يُضرب السُوق السِنة؟ فما قلنا الا "السوبر هيروز" للصغار ومار شربل للكبار...
يا اخواتي تذكروا انو يسُوع استقبلوه بأغصان النَخِيل والزَيتون ودَخَلَ على أورشليم على جحِش والقوة الخَارقة والوحيدة يلي اسّتَعّملها معنا انو "حَبْنا" ... فكِرمال لي بِتحِبوهن ووحياة ل بِتْعِزّوهن خَلونا بعَقِلنا وبَعّدُو كل شي خَصُهُ بالتِجَارة عن المسيح والدِينْ بشٌَكِل عامْ.
وشكراً
#استحوا
#لاللسوبرهيروزنعمللنخيل_والزيتون
#نطالببلجنةتنظيمزينةالشعانين
#فليسقطالمارڤلزوالافانجرز
Comments
Post a Comment