ذكرى ميلاد إيلي 2023 - 36 سنة
"اليوم لا يزال عيد ميلادك. وسيظل عيدك دائمًا ابداً. لا أحد يستطيع أن يأخذه منك أو من كل من يحبك. ولكن هذا اليوم تغير بشكل لا رجعة فيه بالنسبة لنا.” (ك.م.)
ليك يا خيي بما انو هيدا العيد ما بقى عم ينعاد عليك متل ما عم ينعاد علينا، سمعني شو بدي قلّك.. عيونك ثابتين ما بينقصوا... وضحكاتك على البال ما بينمحوا...
صحيح نحنا عم نعّيد مع الذكريات... ونسترجع مراحل ومواقف واحلام... صدقني اذا بقلك شي عجيب كيف الانسان مركب ... لا بيتعظ ولا بيتعلم من اغلاطه ولا اغلاط غيره ومصر يفوت بكل حيط بيطلع بطريقه هيدا ع فوقا متل ما كنت تقول الشعب العنيد ع تيسنة... وصاير في انوع واجناس... بحسدك انك ما تعرفت علين ولا تعرفت على النسخ لجديدة منن، وعالم بلف وبدور مية شكل ومية لون...
شو بدي قلك بعد، صارو ٣٥ اي، واشتقنالك اي، بس ما تفكر انو روٌحت عليك اشيا كتير... انتا لعشت وتعايشت مع تفاصيل ٢٦ سنة اي هاو التفاصيل بعدن هني نفسن بس على نسخ اسوء ...
رح تضلك انتا العيد لنسرق منّا ع بكير.
ورح تضلّ ايلي البطل، الحنون، لِبحِب من دون شروط، ولي بساعد من دون مقابل، والقائد لي ما بخاف وبدافع عن الحق والحقيقة قد ما كانت الكلفة عالية، وع فكرة هاو كمان انقرضوا...
اشتقنالك خيّي، وانتبه ع حالك
Comments
Post a Comment